Vigezo, Masharti na Sera ya Faragha

Vigezo na Masharti ya Matumizi

Ilisasishwa Mwisho: Agosti 2026 | Toleo 2.1

1 Utangulizi na Kukubali Vigezo

Karibu Maskani360 ("Jukwaa", "sisi"). Kwa kufungua akaunti, kuingia au kutumia huduma zetu kupitia tovuti au mfumo wetu wa kidijitali, unakubali kufungwa na Vigezo na Masharti haya. Ikiwa hukubaliani na sehemu yoyote ya vigezo hivi, tafadhali usitumie mfumo huu.

2 Aina za Watumiaji na Wajibu Wao

Maskani360 inahudumia makundi matatu makuu ya watumiaji kupitia Mfumo wa Akaunti na MASKANI ID:

Mpangaji (Tenant): Mtu binafsi anayetafuta nyumba au eneo la kupanga. Anawajibika kutoa taarifa za kweli wakati wa kuomba kupanga au kupanga ziara.
Mwenye Nyumba (Owner): Mtu binafsi au kampuni inayotangaza nyumba/mali zake. Anawajibika kuhakikisha mali ipo kweli, picha na bei ni sahihi, na ana haki ya kisheria ya kuipangisha.
Wakala / Dalali (Agent): Mtu anayesaidia kuunganisha Wamiliki na Wapangaji. Anapaswa kufanya kazi kwa uaminifu, kufuata sheria za nchi, na kutowatoza watumiaji ada zisizo halali au za kitapeli.

3 Usajili na Usalama wa Akaunti (MASKANI ID)

Ili kutumia huduma kamili za Maskani360, lazima ujisajili na kupata MASKANI ID ya kipekee.

Unawajibika kulinda nenosiri (password) lako na kutoshirikisha mtu mwingine yeyote.
Akaunti yoyote iliyosajiliwa kwa taarifa za uongo au za kitapeli itafungwa au kuzuiliwa (Blocked) mara moja bila taarifa.
Lazima uwe na umri wa angalau miaka 18 kisheria ili kuunda akaunti na kuingia mikataba ya upangaji.

4 Huduma za AI Assistant, Trust Score & Verified Visit

Jukwaa letu linajumuisha teknolojia za kisasa zilizoundwa kuongeza usalama na urahisi:

              • Msaidizi wa AI (AI Assistant): Unatoa mapendekezo ya haraka ya nyumba kulingana na mahitaji yako. Mapendekezo haya ni ya kiufundi na mteja anapaswa kujiridhisha kabla ya kufanya maamuzi ya kifedha.
• Alama ya Uaminifu (Trust Score): Kipimo kinachotokana na tathmini ya taarifa za tangazo, marejesho ya watumiaji na uhakiki wa timu yetu.
• Verified Visit (Ziara Iliyothibitishwa): Mfumo wa kupanga miadi ya kukagua nyumba kwa usalama kupitia kalenda na maoni ya uhakika.            

5 Kanusho la Udhamini na Ukomo wa Dhima

Maskani360 ni jukwaa la kidijitali linalokutanisha pande husika. Ingawa tunafanya kila juhudi kuhakikisha usalama kupitia *Trust Score* na *Verified Visit*, Maskani360 haitawajibika moja kwa moja kwa matatizo ya mikataba au migogoro ya kisheria inayotokea binafsi kati ya Mpangaji, Mwenye Nyumba au Wakala nje ya Mfumo wetu.

6 Kuzuia na Kufuta Akaunti

Tuna haki ya kusimamisha au kufuta Akaunti/MASKANI ID ya mtumiaji yeyote atakayebainika kukiuka sheria, kutuma matangazo ya uongo, kujaribu utapeli au kukiuka masharti haya.

Sera ya Faragha na Ulinzi wa Data

Inazingatia Ulinzi wa Taarifa Binafsi

1 Taarifa Tunazokusanya

Ili kutoa huduma bora za utafutaji na usimamizi wa nyumba, Maskani360 inakusanya taarifa zifuatazo wakati wa kujisajili na kutumia mfumo:

Taarifa za Usajili: Jina Kamili, Namba ya Simu, Barua Pepe, na Jina la Mtumiaji (*MASKANI ID*).
Taarifa za Akaunti: Aina ya Role (Mpangaji, Mwenye Nyumba, Wakala/Dalali).
Nenosiri (Password): Nenosiri lako linahifadhiwa kwa njia ya usalama wa hali ya juu ya *Cryptographic Hash (BCRYPT)* na hakuna mtu anayeweza kulisoma.
Taarifa za Matumizi: Kumbukumbu za utafutaji wa nyumba, miadi ya *Verified Visit*, na miongozo ya *AI Assistant*.

2 Jinsi Tunavyotumia Taarifa Zako

Taarifa zako zinatumika kwa madhumuni yafuatayo pekee:

Kukupa fursa ya kuingia (*Login*) na kusimamia akaunti yako kwa usalama.
Kuwaunganisha Wapangaji na Wamiliki au Mawakala kwa ajili ya ziara za kukagua nyumba (*Verified Visit*).
Kukusanya na kuhesabu *Trust Score* ili kuzuia matangazo ya kitapeli kwenye mfumo.
Kuboresha matokeo ya utafutaji wa nyumba kwa usaidizi wa Akili Mbandia (*AI Assistant*).
Kukutumia taarifa muhimu za mfumo na uthibitisho wa kikao chako.

3 Ushirikishaji wa Taarifa kwa Watu wa Tatu

Maskani360 HAUZI wala kukodisha taarifa zako binafsi kwa makampuni ya biashara au matangazo. Taarifa zako zitashirikishwa tu pale inapobidi:

              Urahisishaji wa Miadi: Namba yako ya simu au jina linaweza kuonyeshwa kwa Mwenye Nyumba au Wakala husika endapo tu umeweka miadi ya kiofisi ya kupanga/kukagua nyumba (*Verified Visit*).            

4 Ulinzi wa Taarifa na Usalama

Sisi tunatumia mbinu za kisasa za kuzuia mashambulizi ya mitandao ikiwemo mfumo wa ulinzi wa *CSRF Tokens*, uhifadhi salama wa *Sessions*, na ulinzi wa hifadhidata dhidi ya udukuzi.

5 Haki Zako Kisheria

Kama mtumiaji wa Maskani360, una haki ya:

Kukagua na kubadilisha taarifa zako za profaili wakati wowote.
Kuomba kufutwa kwa akaunti na taarifa zako kwenye mfumo wetu.
Kuchagua au kuacha kupokea taarifa za matangazo.

Vigezo vya Matumizi & Sera ya Faragha